5 августас Мыха1 мукъа1 Мыха1бишды районди Галды мездике вишир ай республикадид эккед мевлид Дагъыстанад гьа1лимешды.
Ачых выъыр Элигъанийис выгад мевлид гьа выгыргара ад Хасавюрт шегьердид имамашды Советед седри Казим Темирбулатова.
Гьание салам сувгъуда хъуъ мевлиде иштрак гьаъадбишы, ихтилат гьыъыр, шыв хайир, гьакьал вылц1арди гьемисед мевлидмыра.
Элигъанийис выгад мевлидек иштрак гьыъыр генеки Дагъыстанад Муфтиед заместитель Идрис Асадуллаева, Республика Дагъыстанад Южный ерлид округад Муфтиед Полпред М. Абидова.

Гьади сыт1а дишир ад юлдашеше генеки гьыъыри йыхды несиятдид ихтилатбыр. Далгыр ай райондид кьухьнийды заместитель Насир Раджабов, «Ас-салам» газетед представитель Абдулсабир Ахмедов, Рутул райондид имам Абдуселим Таиров.
Элигъанйис выгад мевлидек йидкьыр ай дур-ун ад Дагъыстандид гьа1лим Хасмухаммад Абубакаров, Республика Дагъыстанад Муфтиятад кьылевыъынмыд отделед кьухьды Дербент шегьерди ад Курбан Рамазанов, Сулейман-Стальский райондид имам Хасан Амаханов, Республика Дагъыстанад Муфтиед центральный округад Полпред Абдулла Аджимоллаев.
Гьа мевлиде иштрак гьыъыр ай гьа1гъзырала балад илсанаше, ерлид илсанашыла гъайри йидкьыр ай хьуд-рыхы1д веш мийман.
Йидкьыр ад мийманаше сагъул выъыри райондид кьухьдыбишис ва джама1хтис мевлид кьула-джубра выгыргас выд кюмегдис.
Гьабише кьыле гьыъыри нубаракбыр Дагъыстанад Муфтие сигыр ад ихьды райондид джама1хтис.
Мевлид бегьем вишийне, сиенебише гьыъыри хайир дугъа1быр.

Б. МЫХА1ДЫ