Российский Федерациедид Федеральный Иджласад Ху1киметед Думади КПРФ партиедид суруулад депутат йикис йыгад кандидатахьванды гуьриш

20160823_10105123 августас Мыха1д районди йиркьыр ай Российский Федерациедид Федеральный Иджласад Ху1киметед Думади КПРФ партиедид суруулад депутат йикис йыгад кандидат Махмудов Махмуд Гаджулаевич.
Сифтене гьа миди райондид администрациеди гуьришмиш гьыъыри Мыха1д райондид Кьухьды Давуд Сулеймановара джуды идаради. Гьади кухьдыбише, чийбыр рагъара, гьыъыри агъмиш сиене районди ад халкьдид яшайишед агьвалатбыр. Гьади ми ихтилатбыр гьаъад вахтинди ани йиъмй Мыха1д райондид депутаташды Маджлисед Седриед гьалаки ераа ад Рамазан Рамазанов ки.
Хьели йиркьыр ад РФ Федеральный Иджласад Ху1киметед Думади депутат йикис йыгад КПРФ партиедид суруулад кандидат Махмудов Махмуд Гаджулаевичере Мыха1д райондид администрациедид актовый зала выгыр ай иджлас райондид активехьван. Гьади сыт1а дишир ай райондид кьухьдыбыр, райондид администрациедид къуллухчиер, райондид сельский поселениемыд кьухьдыбыр, сечкибыр гыргасди районди ад участокмыд избирательный комиссиямыд седриер ва маддыбыр.
20160823_101014Сифтене миди райондид Кьухьды Давуд Сулейманова (отпускади ад йиъи) йиркьыд мийманакла выъыри гаф, гьухьури гьа миди Мыха1д районди йиркьыдид натиджа ва выри гьанийис ч1ел.
Махмуд Гаджулаевич Махмудова сифтене сувгъур салам миди райондид актива, ва трибунадила джуды выборный кампаниедис гьазыр выъыд программа агъмиш выъыри.
Гьади гьание гьухьури:
— КПРФ виъи гьакьды-кьулды са оппозиционный партие сиене Российский Федерацияди адмыклады, гвалах ваъад халкьдид партия виъи;
— гъийгъа гьу1кимет деринды кризиса анивиъи;
— 90 % экономикадид сиени заводмыд, фабрикамыд ийессиер диъи хариджи гьу1киметед инсанар;
— алвербыр гьаъад 80 % сетьбырмыд ийессиер Россияди диъи хариджид инсанар;
— 2015-ды сыда бюджете йит1кьыд 20 трлн. манут къазындж, гьадиклаа 8,2 трлн. манут абгыри гьу1киметес, мадды сиени танга гьапхы1ри хусуси иессийшды джибе;
— джибрады вахтинди Россия ешемиш вуруъура ад виъи сифтед сыдырма къазаммиш гьыъыд тангымыхьван, ва ми политика гьу1киметед дегиш джъыйне, лап четин йикиси 2017 сыдыд агьвалатбыр…
Гьа сиени ч1елбыр Махмуд Махмудова гьухьур ай мисед натиджадихьван: сес вий хьур джус ГосДумади депутат йикис, джу ки чалышвалдыбыр гьаъаси хьур джама1гьтид яшайиш йыха кал хъаъас …
Миди РФ Федеральный Иджласад Ху1киметед Думади йикис йыгад КПРФ партиедид суруулад депутат кандидат Махмуд Махмудова гени ки гьухьури: выдж мысга ки гьа1зир йиъи геники ки миди района йыкьас гьилди ки мукъу1д джамагьа1тдихьван гуришмиш йикис ва мисед лазимды суалмыкла далгас.
Гьа гьалгыр бегьем йишидаа хъу, гьалгыри Мы1ха1д райондид Кьухьды Давуд Сулейманов. Гьание миди йиркьыд РФ Федеральный Иджласад Ху1киметед Думади депутат йикис йыгадбыйды йиъи опыт ад, ва балад танышбыр сиени Россияди ад, ва гьанийиклаа Москвади ад депутат йишийне йыха йикиси хьур.
Къинады САИД