Ассаламу алейкум! Ихьды мыхаlд джама1хтид шубе, ришиймар. Вес гьеми виъид сивид ваз къутли виший, ве сагъды джандыхьван, халалды ризкьахьван, йикlе темизды имындыхьван, Аллагьад амырдыхьван ливесды кьуват вийихь.

Ве хакьыд садакьабыр, выlхьды йикlиы гъад йыхды ниятбыр Аллагьара кьабыл гьыъый, халды хизындид кьулула йишийхь. Ве лихьид гъил йыхваlлис йикихь, йаман-беля, кьадыдыда ве хырыда диший. Выхьды раlхметдис гьаlтхыlр абишды сыр нурдид йиший, макам дженнетдид йиший.
Джан джамаха1т, са хайиш а — гьеми сивид вазыра куб ваъадухъунды муъминеше, муъминетеше дыкьа йигъа са кубахда кьваlд рекят суннатдид Аллагьад рыкъа1 гьааси. Инсан халыхда ийир ад ядлад джаза джамаlхдыла ихъипхьун бадана, йикl пакна еве дикиси инамиш, ваlгъаlси дилег «Я Рабби! Вакля куьмег»- хьур. Аллагьад раlхим бала виъи — сивид вазырыхьван гьад беля ки яла ихъипхьунус умуд а.
Ве сагъ-шад диший, выхьды халма йыхды йыгъбыр йиший. Дуньйа асля1х виший.
Аминь!

Султаныйды Бийзат