Улджумад йыгъа, 27 июлас, РД-над Халкьдид Маджлисед депутат Давуд Амаевич Сулейманов ха1сил йишир Мыха1д райондид больницадид къуллухчийшихьван.
Гьади иштрак гьыъыр больницадид баш духтура Идрис Алиева, гьанийды заместитель Равиль Ибрагимова ва журналистеше.Коллективес представить гьыъыдыла хъуъ, Идрис Шахбановиче ч1ел выри Давуд Сулеймановас. Гьание джуды суруула ягъмиш дишибишис къутли выъыр республикадид байрам – Конституциядид Йыгъ. Хьели хуткун-суалбыр гьыъыр, шыв къавгъу-дердибыр ади духтурашихда, медсестрыйшихда ва санитаркыйшихда, йикис хьур джва1ршда хуткунбур гьаъас ад къайгъумыд, дердимыд суалмыкла.

Депутатад улихьде лаъ гет1ир ай хьуланды суалбыр:
-Больницадыхда саламатды ра1хъ хъудиш хьур;
-Соцпакетмыхьван гвалахад ветеранашис дава-дарман джывын, ыджывгын;
-Пенсионный реформадид;
-Хьидид суал, районный центра ад ва маддыбыр.
Сиене суалмыд кьуле джыдкьынид себеб, депутат ч1елмыхьван, гъийкьыд танга адишдыла ва райондид бюджет ц1ам йиъидыла асыллы виъи. Умуд а хьур гьамыъ, республикади руъура ад дигишвалдымыхьван сыт1а ц1инды кьухьдыбыр дишидыла хъуъ агьвалат йыха викис хьур яваш-яваш. Джуду суруула депутата джу миди лаъгет1ид суалмыкла хабар выс хьур РД-над Халкьдид Маджлисес ва республикадид кьухьдыбишис.

Б. МыхаIды