Дагъыстанад Правительстводире гьугълумыра зиянбыр выд кьвуIнды районас кюмег выси

d0c031c25c9a1b8cbf42d298da5584ff

Дагъыстанад премьер-министр Артем Здунов кьулу гъана выгыр ай иджлас, гьади хьуъ гет1ир ай суалбыр Акушинский ва Левашинский районма гьугъалбыр йишир, хар йыхы1р илсанашды халмы, хозяйствомы эккед завалбыр, вакьиебыр йыгыр а хьур.«Юлдашер, гьемиди йишир ад къайгъумыд а1хвалат сиенебишис гьагвара а. Гьадыла кьат1лама гьыъыр йигара шыв услад зиянбыр выр ади илсанашис, хозяйствомыс ва ры1къмыс–кьулумыс. Гьаса йишийне, ихьды кьуведыхда гадкъыд гвалахбыр гьыъыр йигара ва йикисдыкалды кюмег выс чалыш дишир йигара», — гьухьури кабминед кьухьние.
Дагъыстанад МЧС-ед управлениедид врио начальник Нариман Казимагомедовды хабардыхьван, Левашинский ва Акушинский районма халмыд вакьиебыр на илсанашды дыркьынбыр адиш.
«Сахьусды къизкъинды, зар гъад гьугъалбыр йишир ай 14:30-ла 15:00 йикьама Левашинский районди. Ихьды информациедыхьван, юкьды мукъа1: Наскент, Уллуая, Карлабкинский ва Эбдалаинский му1къма кьву1нды километриды йикьама ра1хъбыр гийтхьур ай, сабыйды дирхьад гъа1 хьидире вихир ай, гьадыла саваенди эккед зиянбыр выр а езелбыр гьаъад сельскохозяйственный ермыс. Акуша рухьуд мукъа1 гьугълад хьедмыра Пенсионный фондад сахьусды этаж ки ва аа-уу хад ха1ятбыр ки хьидмыра, лилмыра батмиш гьыъыр ай. Гьади комиссиябыр сес выъыр, йишир ад зиянмыд кьат1ламабыр гьаъара а», — гьухьури Нариман Казимагомедова.
Артем Здунова джуду суруула гьухьури, гьасад гволахбыр, къайгъубыр муниципальный оброзованиедыхьван сыт1а хана кьуле йыгыр йигара.
Гьа суалбыр, ихтилатбыр агъмиш гьаъад джигиди ай РД-над Правительстводид Седриед врио заместителель Гасан Идрисов, РД-над Кьухьнийды территориальный округад полномочный представитель Магомед Камилов, РД-над сельский хозяйстводид ва продовольствиедид министр Абдулмуслим Абдулмуслимов. РД-над дорожно-транспортный хозяйствадид министр Ширухан Гаджимурадов, РД-над Правительстводид седриед заместитель Андрей Афонин.

Мира Казиева