16 апрелес Махачкалди йибкьыр а сахьусды спец-техникадид партие. Гьа «Пылесос-машинмыра» темиз гьаъасды йиъи ихьды республикадид меркездид ра1хъбыр на кучебыр. Дагъыстанад Правительстводид Седри Артем Здунов гакъыр ай йидкьыр ад техникадыхда. Мимыла саваенди Махачкалдис генеки йигара а мусоровозбыр, погрузчикбыр ва мадды лазимды машинбыр. «Евеше темиз хъыъыр йигара руг-ч1ы1х бардюрмыда сыт1а йишир ад шумдиъди вазырмыхьван: гьа руг лаъ липхьура, еве ки гьадыхьван нафас лебшура. Нагагь гьамыра лазим йиъидка гвалах выъыхьвна, генеки гьабыр бала гьаъаси, пылесосбыр адишне махачкалди йикисдиш», — гьухьури премьер-министре.
Махачкалдид врио мэр Абусупьян Гасанова гьухьури, гьалаки ес йибкьыр а хьиб пылесос–машин виъи, гьа йиъи сахьусды магарыш Дагъыстанад Правительстводире выр ад. Гъийъа-быга хъибкьыр йигад йиъи рыхьы1б спец-техникадид машин. «Ра1хъ – кьул темиз йишин бадана, гьадухъунды замха1т биъир йигара, са гьеми машинере ваъара хьибц1ырдыла балад илсындид гволах – гьа йиъи экономие бюджетед, ва гьа гвалах к1ыб еримиш вишин»,- гьухьури меркезед кьухьние.
Йик1иы лихъиес йигара, Махачкалдире кихъит1ир адиш контракт темизвалдыбыр гьаъад «Новый город» — хьур дур гъад компаниедыхьван. Сиене спецтехника хъывыр а МУП «Горзеленхозада».
Гьадид директор Раджаб Раджабовды ихтилатмыхьван, гьамыъ «Горзеленхоз» кувч1уси шегьерди темизвалды ваъара. Гьадис гюре сиене физический ва юридический къуллухчийше ц1инене кихъихьир йигара договорбыр.

Мира Казиева