Хабиб Нурмагомедова лювшур чемпионский UFC-дид пояс, гьадыхьван сыт1а йишир сахьусды россиянашикла гьасад дур ад титул хад.
Выъыр дагъыстанабишды пехливана гьа гвалах ари йихы1р американец Эл Яквинотахьван UFC 223 турнире америкадид Бруклин шегьерди. Ари йыдхы1р а гьабыр хьудди раунда ва гъами йишир сиена раундма Нурмагомедов. Сахьусды кьва1д раунд борьбыдихьван литхьури, хыбыдхьусды на юкьудхьусды раундбыр литхьури гъилы гъана, хьудхьусды ки баласды вахт вишири партере. Хабиб шумаиди хылис чалыш йишири лап1т1а ваъас бой вахтсызкьадар, амма американецере выдж бугъмиш гьаъас вырдиш.
Хабиб Нурмагомедова гьала ки вышне гъами йишир адиш. Выдж дирибаш йишир а 26 хылис, йиц1а хылис гьад ари йыхы1ри UFC-дид чемпионашды пояс лювшус.