Европадид спортивный борьбыдид чемпионатас выгыргара ад гьазырва1лид суалбыр 19 мартас агъмиш гьыъыр иджласа, Дагъыстанад Врио Кьухьды Владимир Васильева выгыд.Иджлас ачых ваъади, Владимир Васильева сагъул выгыр сиене кьухьдыбишис, шегьердид, районмыд, выгыд гвалахад бадана президенский сечкибыр кьуле-джаргыди ахади. Гьа гвалахас йыхды кьимет выр ай Центризбиркомара ки, регионад Врио кьухьнийды ч1елмыхьван. Генеки Владимир Васильева сагъул выъыр сес ивис йыдкьыд дагъыстанабишис.
Европадид спортивный борьбыдид чемпионатас выгыргара ад гьазырва1ликла ихтилат гьыъыр РД-над Правительствадид Седриед Сахьусды заместитель Анатолий Карибова.
Гьание гьухьур, Каспийскади ад Али Алиевад дур гъад спортад Двореце дюз хъыъыр а гуджлид сотовый связь, гьадыла саваенди выгыр а артухды тукад система ки.
Гьадыла саваенди, спортад объектед аа-уу гьаъара а порядок — къуъ-хьуъ гьыъын, темизвалдыбыр гьыъын ва мадды гвалахбыр.
Кит1ир а договорбыр волонтерашды экипировкабыр лешун бадана ва охранадид къуллухчийшис валыг-чалыг. Дестикь гьыъыр а волонтерашды списокбыр ва мадды къуллухчийшды списокбыр, мийманар кьабыл даъасды йыдкьыйне Махачкалди аэропорта.
«Е агъмиш гьара а ва суалбыр ки, шудаъ йикисди йиъид Москвадады рейсбыр, гьабыр балака хъаъас хьур чалыш диъи», — гьухьур Анатолий Карибова.
Генеки РД-над Правительствадид Седриед Сахьусды заместителе гьухьур, кьабыл гьыъыр а решение сихьис хьур банкоматбыр сиене мийманар дикисды джигима.
Джурана лаъ гет1ир ай машинмыд парковочный ермыд суалбыр. Гьа ер гюзет выъыр а «Анжи» аренадид не Дворец спортад арыди.
Владимир Васильева выр поручениебыр сиене гыргара ад гвалахмык зар кияъ хьур, ва ры1къмыд йокбыр ки дюз-дюзгин йишир йыгара хьур.
Иджласа хьуъ гет1ир ай суал, шууна йидкьыд мийманашис гыргасди экскурсиябыр, ва гостиницама шууна гьабишис убур йыхьир йыгарди гьади гвалах ваъад къуллухчийше. Джураана убур йыхы1р ай Махачкалди ад кучимыд т1емизва1лид суалмыс.
Гьади генеки иштрак гьыъыр РД-над Иджласад Седри Хизри Шихсаидова, Дагъыстанад Правительствадид Седри Артем Здунова ва маддыбише.