Владимир Васильева Дагъыстанад хьылешис 8 мартад байрам къудтли выъыр

20180116_121459

7 мартас Махачкалди Урусашды М. Горкиед дур гъад драматический театра йишир ай байрамад концерт, Международный хьылешды йыгъас гюре. Ягъмиш дишибишды улихьде гьалгыр Дагъыстан Республикадид Врио Кьухьды Владимир Васильев, гьание мисе гьухьур:«Гъийгъа ми быт1рад зала е ягъмиш дишир а, къутли ваъас хьур Дагъыстанад хьылешис уфтанды хьадид байрам — 8 Март! Гьа байрам е агъмиш ваъара ес хъыдгара диъине ихьды кьа1сды нинабар, ришиймар, къариймар ва рышба1. Ва1с гьаса йыхды пай выр а, ес, выгълешис джывыр ад, ва1дя лювгъу1ре ваъас йыгад пеше – ва1дя сиене йич1ере! Амма ха1р са пешидик ки кине ва1 уфтанна уху1ре хал, эйлуг гьаъара хизындид ва ихьды. Эккед сагъул виъи ва1с – еда гьаса йич1ердиш!
Россиядид Президент Владимир Владимирович Путине джуду бегедед Посланиеди Российский Федерациедид Федеральный Собраниедис сигыр ад, мисе гьухьур: «Дирибашды фикирбыр мысга чалыш йиъи эккед цель сихьис, ва гьадыла е талантас убур йыхы1р йыгара, ха1р хынхыхда ад, кюмег выр йыгара гьанийды чалышва1лис. Россиядид лаъвалдыи мехьтеба кувгъу1ре».
Гьаса йишир а, Дагъыстанад лаъвалды хьылешыла бала ассыллы виъи. Хьыле — ухьтанды магьа1лимер ва гьакьаллы тербиебыр вылц1ад илсанар диъи. К1ады хынимешды фикирбыр, хиялбыр бала а1хтиетне уху1р йыгадбыр йиъи, ва гьабишис зиян дживысна, бала сабыр ана тербие выр йыгара гьабишис. Гьа кьуве анивиъи ихьды хьылешихда.
Гъийгъа, хьылешды байрам кувгъу1д йыгъа, е, выгълеше, фикир выъыр йыгара: е шыв гьыъыр а хьур ихьды хьылешис!
Е гьала бала чалыш дишир йыгара, аа-уу темизвалды вишин бадана, хьед – йыхды ва гъийкьасды ха1р хала, газад турбабыр т1уджудкьасдыбыр йишир йыгара, тук гъийкьыд йишир, ва халбыр гьаса луза гьыъыр, къумшийшис мышат джывысна, ва гьац1асна, эгер, Йинчире хырыда гьыъый, лыкьын сип1ихьвна, гьабыр лукас диш хьур. Сиене гьа гвалахбыр е гьыъыр йыгара. Изды фикирда, ва1 гьадид сура ес выс кюмег.Бегедене ихьды Махачкалди йикиси борьбыдид Чемпионат Европы ва гьадыла е балана чалыш дишир йыгара, шегьер быт1рана, темизне вишин бадана, йыхана мийманар кьабыл даъасна. Гьацара, ихьды хьылеше гьа гвалахма ки иштрак гьаъасды. Ихьды умуд ва1к кинивиъи!
Къутли викихь, ва1с байрам, сагъ-шад дикийхь вы1хьды бегедебыр.Эккед ва1с сагъул!».