Дагъыстанад Правительствадид Седри Артем Здунов йыхьыр ай республикадид гьы1лимдид ва кьылевыъынид министерствади. Гьанийхьван гьади йыхьыр ай республикадид экономикадид министр Осман ХасбулатовПремьер-министре ихтилатбыр гьыъыр ведомстводид кьухьды Уммупазиль Омаровахьван шыв гвалахбыр кьуле гыргасди лазимды ха1лехьван. Гьади ха1сил дишид арыди хьуъ гийт1ир ай сахьусды хьури гид суалбыр, гьамык кине мехьтебырма вахт-вахтинды китабыр сиджилгадид, хьибыд сменабыр анийиъи хьур ва к1ыьды хынимешды садикма ербыр гъиджийкьыныхда, хал-лах бала руъудире. Кьыле выъынид идарамыхда гьамыъды, ц1инды оборудованиебыр адишдыла Правительстводид седриере гьухьури, регионма а йыхды практика кьылевыъынид колледжбыр предприятиемыс привязывать гьаъад.
Гьа сиене ихтилатмыхда хъадацудахъуъ, Артем Здунова генеки гьухьур, мадды регионмыра гадкъы1р, гьабишда опыт лешаъ хьур. Премьер-министре кьуле эдир, сахьусды убур йыхы1р йигара тербиедид услас — магьа1лимешды ки ва ала лаъ диъид джигьил кьылеваъабишды ки. Артем Здуновад ихтилатмыхьван, джигьилешихьван ваъасды гвалахахьван ва гьабишды раиемыхьван хьуъ йидкьыйне, гьабыр генеки гьашкьлы дикис джухьды улихьде сихьир ад гвалахбыр кьуле гыргас.
Эккене рази йишир Артем Здунов Россияди вишид хынимешды олимпиадады 2017-2018 кьылевыъынид сыда (гьа суалмыд кьулвалды ваъараъад виъи Москвада йиркьыд Алексей Карпухине). Ва генеки вирзир ай Министерстводид гвалах Арухова Альбинара выгыргара ад. Гьади лаъ гет1ир суалбыр мехьтебе мадана хынимешис ха1р выъынид са пеше. Гьадид бадана Правительствадид кьухьне гьац1ара гьаъ хьури, гьилды пешебыр балана лазим йиъиди ихьды региона. «Сиене гьаъасды гвалахбыр республикадид экономикады ругъа гьыъыр йигара, — гьухур гьание, — гьис хьурди республикадире гьазыр даъара джуду экономикадис лейихдыбыр».

Мира Казиева