Имам Шамиль

shamil

Дагъыстанад кьулу йыгъ йидкьыри,
Хабарсызна да1ви йибкьыр лубт1ури.
Чалыш йишир Шамиль ислам бадана,
Хьай инсанар вес хабар ама.Аллагьара пай выр ад усдад и вы,
Хыле сюпха1н, кьвакьу кьуръан гъад и вы.
Йик1е имам, гьале сив ад и вы,
Ферзды 5 куб кьуле выгыргад и вы.

Мюридешды улихьде вы субкьура,
Йыхы1н, яра эккед гъана губкьурай.
Хасаба джишир душманашды тур, туфанг,
Аллагьу-акбар ха1ммише рухьурай.

Дагъыстан эккед имамат вишир,
Кябедид хал Мекка вас гисмат вишир.
Мединатди зиярат эккед виъи,
Вахда йидкьын Аллагьад суннет виъи.

Гьа1завата гъана егитед валыг хъаджир диш,
Кубас дишне йивандыла сеч1урдиш.
Мездик саптыр нин, ришихда а1ч1урдиш,
Душманашдаа бейде ха1ч1ус леч1урдиш.

Банала бана вы гъы1рч ка лийчерей,
Къургъушумад гюллюдикла гийчерей.
Азан выйне, йивандыла сийчерей,
Вы гьагуйне, душманас ки гич1ерей.

Газрат — Ха1джи Билалов,
с. Рутул.