Саласадид йыгъа, 30 январес, Дагъыстанад врио Кьухьды Владимир Васильев ха1сил йишир ай ПАО «Газпром» правлениедид седриед заместитель Валерий Голубевехьван.
Гьади гьабише хьуъ гет1ир ай суалбыр, шууна лаъ гыргасди Республика Дагъыстанад топливно-энергетический комплекс. Гьади далгыр ай газ гыргасды джигимыкла, гьаъасды газад турбымыд ремонтмыкла, сыхы1сды счетчикмыкла ва вахт вахтинды танга высна газ ишлемиш гьаъабише.

Гьади иштрак гьыъыр ай Дагъыстанад Правительствадид врио Седри Абдусамад Гамидова, Дагъыстанад Кьухьнийды ва Правительствадид Кьухьды Владимир Иванова, Дагъыстанад Правительствадид Седриед врио заместитель Шамиль Исаева, ПАО «Газпром»-ад Правлениедик кид член Владимир Маркова, ООО «Газпром трансгаз Махачкала»-дид кьухьды Александр Астанине ва маддыбише.
Гьадыла хъуъ Владимир Васильева на Валерий Голубева выгыр ай ПАО «Газпромад» иджлас. Гьади хьуъ гет1ир ай суалбыр джат1ур газ йикисне сиене Дагъыстанди.
Гьа суалбыр хьуъ гет1ид вахтинди гьади иштрак гьыъыр ай РД-над Дагъыстанад Правительствадид врио Седри Абдусамад Гамидова, ва гьанийды заместителер Шамиль Исаева на Екатерина Толстикова, федеральный не региональный министерствамыд на ведомствамыд къуллухчийше ва «Газпромад» компаниедид к1аъды подразделениемыра.

М. Казиева