Гьабхы1д ха1фтидис Дагъыстанад Халкьдид Маджлисед Мыха1д райондады депутат Давуд Амаевич Сулейманов ха1сил йишир районди му1къма ад джуду избирателешихьван. Хьурагине гьа йыхьыр Хъылда (Хлют), гьади памятникед бегеде, гиме гьание убур йыхы1р илсанаше лаъ гет1ид суалмыс. Хъылдабише хайиш гьыъыр депутатада кюмег ви хьур республикадид суруула бегьем ваъас водопровод, «Фалфан» дерида хад. Гьадыла саваенди, хынимешис типовой садик выгара а му1къа, йисхьурди балад хынимер ад к1аъды садике кьабыл даъас руъура адиш. Генеки лаъ гет1ир ай газ йыгынид суалбыр.

Давуд Амаевич ВПП «Единая Россия»-дид суруула йиркьыр ад йиъий районди.
Хьели джубрахъуд йыгъа гьа йыхьыр ай Йирек (Ихрек) мукъа1. Гьади сельсоветед идаради хьа1сил йишир джуды избирателешихьван. Йирекдыбише сахьусды кьул хайишбыр гьыъыр ай депутатада рыкъы1д бадана.

Хуткур ай, йик1иы гъама хьур республикадис рыкъа1 асфальт аъас. Адиш гьа дериди грейдер, ара-ара сивигыр ра1хъ дюз-дюзгин хъаваъасды, джишийне мысга рыкъа1 руъура хьварбыр на «шифербыр».
Давуд Сулейманова ч1ел выри, сиене избирателешды наказбыр лийкьа гьаъас хьур республикадид кьухьдибишы.

Б. Мыха1ды