14 ноябрес Дагъыстанад Врио Кьухьды Владимир Васильев ха1сил йишир Северный Кавказди ад Регионмыд тукад сетьмыд кьухьды директор Юрий Зайцевахьван.
Гьади генеки иштрак гьыъыр РД-над Кьухьнийды ва Правительствадид Кьухьды Владимир Иванова, республикадид Правительствадид Седриед заместитель Шамиль Исаева, Юрий Зайцевад заместитель Сергей Полякова, АО «Дагестанская сетевая компания» идарадид управляющий директор Муртазали Гитинасулова, ПАО «Дагестанская энергосбытовая компания» Магни Гитинова.
«Шад йиъи Ва1хьван сыт1а гвалах ваъара ква1ч1уны. За умуд ваъара, ари йыдхы1р е хъыгас порядок Дагъыстанад  электроэнергетикади ва бегьем гьаъаси сиене ад джетинды суалбыр гьади», — гьухьур Юрий Зайцева.
Джуду суруула Владимир Васильева сагъул выъыр Северный Кавказдид МРСК идарадид кьухьды директорас ва ч1ел выри Правительствадид Седриед врио заместитель Шамиль Исаевас. Гьание агъмиш гьыъыр балад суалбыр, гьамыхьван сыт1а джетинды аг1валат ад джигима ки шууна выгыр йыгарди гвалах.
Гьади кьвунды сурура джуьхьды къулмыхьван дестикь гьыъыр ай дорожный карта. Гьадик кинийиъий, шууна выгыр йыгарди гвалах республикадид кьухьдыбише ерлид муниципалитетмыд кьухьдыбишихьван тукад бырджбыр кехъейин бадана.
«Сиене гьади кид пунктбыр кьуле йыгыр йыгара вахтинди, йы1хьа1 джыъыр», — гьухьур Владимир Васильева.