Эккед джигьилешды шествие девизмыхьван «Зы — россиянин», «Зы — дагъыстаншура» хьур вишир ай республикадид меркезе

10d5bcff286f2d216b2a49320d0ef80b

Кишды йыгъа, 4 ноябрес, Махачкалди, республикадид меркезди, вишир ай эккед джигьилешды шествие девизмыхьван «Зы — россиянин», «Зы — дагъыстаншура» хьур. Гьади иштрак гьыъыр Дагъыстанад Правительствадид Седриед сахьусды врио заместитель Анатолий Карибова ва республикадид Кьухьнийды ва Правительствадид Администрациедид врио кьухьды Исмаил Эфендиева.
Гьа мероприятие выгыр ад виъий халкьдид сава1лид Йыгъад байрамас гюре.
3500-дыхъунды студентер, телебиер, волонтерар плакатбыр, баннербыр ва транспарантбыр хана сюткири республикадид меркездид площадида Урусашды Горькиед дур гъад драматический театрахда.
Гьа байрамад Йыгъа йыдкьыд мийманашда ва республикадид халкьмыда дуруъус руъура ай китабырмыд ва шикилмыд выставкама, музейма, библиотекама Дом дружбади гьыъыр ад. Сиене йыгадбишис ачых гьыъыр ай ракбыр Дом дружбади выъыр ад халкьмыд сава1лмид музеед.
4-хьусды ноябряла йыхы1р 5-хьусды ноябыряйыкьама выгыр ай хьудхьусды Всероссийский культурно-образовательный акция «Ночь искусств»-хьур.
Гьа акциедис гюре «Дагъыстанад аул»-хьур этнографический музее джат1ур ун ай макьаммыд ва на1нимыд Дагъыстана ад ч1елмыла. Р. Гамзатовад дур гъад Национальный библиотекади гьагва гьыъыр ай проект «Эстетика. Художественные вечера»-хьур.
Гьа йыгъырма байрамад гвалахбыр йыгыр ай сиене Дагъыстанад муниципальный образованиема ад Россиядид халкьмыд традиционный культурадид центрма.

Б. Мыха1ды