Дагъыстанад Врио Кьухнийды поручениедыхьван Р. Джафаров йыхьыр ай «Виадук» терминала

3611f44b537d95be9b48c9d50f1798e7

Республикадид Кьухьды Владимир Васильевад поручениедыхьван Дагъыстанад Правительствадид Седриед врио заместитель Рамазан Джафаров йыхьыр ай таможенно-логистический терминала «Виадук» ва Магарамкентди ад Дагъыстанад таможенный поста.
Врио вице-премьерахьван гьади дыхьыр ай Северо-Кавказский таможенный управлениеди ад таможенный контролед кьухьды Константин Муруев, Дагъыстанад таможнидид кьухьды Руслан Яхьяев ва гьанийды сахьусды заместитель Гаджирамазан Исламов.
Гьадыла хьурагине сасад газетмыра Дагъыстанад ва Азербайджанад дальнобойщикешды мизыла хабарбыр сигыр ай, яни пропускад пункта МАПП «Яраг-Казмаляр» аниъи хьур эккед очередбыр кьухьды машинмыд.
Рамазан Джафарова гьухьур ай, таможниди неразивалдыбыр илсанашды джишин бадана, балагема хакьыр йигардиш эккед груз хад машинбыр, баласдымыра йихидыла к1ыб ч1ир руъуд улед-рагъадбыр.
«Сезонад вахтинди руъуд кар бала руъура машинбыр, амма очередь джившин бадана, гьади ад агьвалат мысга контроляа гъа. 150 эккед машин сивиргад джигиди миди РФ-ди 3 ноябрес сигыр ай Яраг-Казмалярад пропускад пункта 192 машин», — гьухьур гьание.
Таныш йишидыла хъуъ таможнидид участокахьван, Рамазан Джафарова гьухьур: «Технически таможнядида руъура а сиене машинбыр луза джыъыр сигас. Эгер мышат гьаъад гвалахбыр танга вага1ре йишихьвна, гьабишды гьак1асаб ки гьаъас лазимды компетентный органмыра. Проверкабыр мидыла хъуъ ки йикис сиенебыр кине, гьабишихьван сыт1а дальнобойщикер ки кине».
4 ноябрес мистед сыда Магарамкентдид таможниди эккед очередбыр ма1гьлим йишир адиший, ихьды суруула сыт1а руъура ай 5-8 машин, Азербайджанад суруула — 10-12 машин.