1 сентябрес Каспийскади Дагъыстанад Кьухьды Рамазан Абдулатипова ачых гьыъыр «Республиканский центр образования» 1224 ученик кьабыл даъасды.
Салам сувургъади сахьусды сентябред линейкадид иштракчийшы, Дагъыстанад Кьухьние гьабишис нубараг выъыр ачых ваъара ад ц1инды мехьтеб ва къутли выъыр Курбан-байрам.
«Каспийскади бала луза гьаъара а халбыр, амма лап ц1ам луза гьаъара ай хынимешды садикбыр ва мехьтебыр ц1инды микрорайонма, рухьуд ч1ел виъи раха1твалды адишне нинабашис, дидабашис ва хынимешис. Гъийгъа социальный объектбыр бала гьаъара а халмыла. Е ква1ч1уйне Дагъыстана са шегьердыхда ки адиший градостроительный план. Ха1рние луза гьаъара ай гьили раха1т иди ва гьили йыгарди, фикир джывыъыр коммуникациемыкла ки. Гьамыъ гьадид сура руъура а балад дегишвалдыбыр. Мистед сыда е ачых выъыр са хынимешды садик, ва сыдыд ахиряа йыхы1р йик1иы гъа ачых ваъас генеки кьва1б садик. Сиене сыт1а республикади 2013 сыдыла хъуъ е ачых гьыъыр а 102 садик. Гьа 32 гьагъзыр ер виъи…
Гъийгъа Каспийскади а гьагъзыр хыных, учура ад детсада дуруъус йыгара. Амма джетин йиъи садана гьа суалбыр кьуле гыргас. Е мисед эккед мехьтеб 1224-ды еред лувза ваъасды конкурс выиграть выъыр Россиядид 25 регионад арыди. Джетинвалдыбыр йишир ки, е гьа лувза выъыр. Амма гьа кьа1рды мехьтеб диш. Ес йыгара гьа вишир кьылевыъынмыд базовый центр Каспийскадис. Миди аниъи сиене условиябыр йыхана кьыле ваъасды», — гьухьур Рамазан Абдулатипова.
Дагъыстанад Кьухьние йик1иы лихъийир, республикади выгыр ай мисде сахьусды «теизды» ЕГЭ ихьды ху1кимете.
Хьеликана республикадид Кбухьды гьалгыри кьылевыъынмыд качествадикла. Гьа лаъ выъыр йыгара хьур. Каспийскади гъийгъа средний балл ЕГЭ-дид виъи 50-60. Гьаса йикисдиш хьур. Баллбыр йишир йыгара 70-80. Выпускникер дишир йыгара конкурентоспособныер, гьадыла асыллы виъи конкурентоспособность Дагъыстанад Россияди ва сиене дуьнйади ки.
Гъийгъа Каспийск — уфтанды шегьер виъи балад суруула. Гьа кинивиъи ТОП-6 шегьермык Россияди, к1ыб лаъ-хьуъ выгыргасды. Зас гьац1ара, бегедене Каспийск викиси сахьусды быт1рад шегьер Дагъыстана ва сиене ху1кимете. Къисмат гьаъара ва1с эдемивалды, гьакьалбыр, байрамбыр, гьухьур Рамазан Абдулатипова.
Мехьтебед коллективед суруула лалгыр Центрад директор Анжела Байрамбекова. Гьание сагъул-варулбыр гьыъыр республикадид Кьухьнийис эккед убыр йыхы1нис гюре кьылевыъынмыд суалмыс Дагъыстанди…
Гьа арыди Дагъыстанад Кьухьнийды Указахьван ЗАО «АТП Каспийск» идарадид генеральный директор Шихамир Ибрагимовас выр ай почетное звание «Заслуженный строитель РД». Нубарагбыр гьаъади Ибрагимовас, Рамазан Абдулатипова сагъулбыр гьыъыр строителешис гьасад быт1рад объект луза гьыъынис гюре.
Хьели иштрак гьыъыд мийманашис выгыр ай экскурсия мехьтебе. Гьабыр таныш дишир актовый залахьван ва кинозалахьван, гадкьы1р столовыяхда, кьвунды бассейныдыхда ва классмыхда.
