Абдусамад Гамидова выгыр ай иджлас

990ccffe47cc59e2c3d2c69de3556f91

21 августас Дагъыстанад Правительствадид Седри Абдусамад Гамидова выгыр ай совещание. Гьади хьуъ гет1ир ай суалбыр,  шууна кьуле гыргара ади РФ-дид ху1кийметед программабыр ва федеральный  целевой программабыр ихьды региона.
«Ихьды къайгъубыр йиъи — сиене ху1кийметед программа иштрак  гыъын. Гьадире евешис вылц1ара къуллухбыр республика лаъ ваъас ва ихьды регионад бюджет экономит гьаъас. Федеральный центрадире евешис вылц1ара а гьасад кьуве, гьадис гюре евеше ки гьаса гвалах выъыр йигара.
0001

Гьеми джубрады сыдырма ху1кийметед программабыр кьуле гыргара а ц1инды мехьтебыр, садикбыр, больницабыр ва мадды лазимды социальный объектбыр ихьды республикади», — гьухьури премьер-министре.
Генеки гьади хьуъ гет1ир ай суал, шууна кьуле выгыргара ади программа «Переселение граждан из аварийного жилищного фонда»-хьур дур гъад.
16 августайикьама Дагъыстанди 41 соглашениедире гьагва гьыъыр адкал выр а 9 млрд. манут, гьадикла федеральный бюджета 8 млрд. на 690 млн.манут, республикадид бюджета 977 млн. 430 гьагъзыр манут. Сиене соглашениебыр  кьуле гыргара а джухьды плындыхьван.
Мира Казиева