Дагъыстанад Кьухьды таныш йишир Махачкалдид цIинды автобусмыхьван

1_result

28 августас Дагъыстанад Кьухьды Рамазан Абдулатипов таныш йишир ц1инды пассажирешды автобусмыхьван, гыйгъа1сды Махачкалдид ры1къма. 60 ц1инды йизка джагварды ПАЗикбыр ислеэнед йыгъа рядахьван луза гьыъыр ай меркездид площаде.
АО «Третий парк» — хьур дагъыстанабишды филиалад Санкт-Петербург шегьерди ад кьухьды (гьа кампаниедидбыр йиъи автобусбыр) Магомед Булатханова ихтилат гьыъыр республикадид Кьухьнийис гьаъас йик1иы гъад гвалахмыкла Махачкалды пассажирешды агьвалат йыха вишин бадана.
«2018 сыдыд хьибхьусды квартала йыха1р ес йик1иы гъа миди йыкьас 350 балад автобусбыр. Миди йыдкьыр ад автобусмыра гъигъе гьаъас 125, 124 а, 146 –хьусды маршрутбыр, гьа маршрутмыла руъура балад шагыетбыр Махачкалди Ленинкент поселака ад илсанашды. Сахьусды кьул гвалаха кьабыл даъас маршрутникер, гьа линиямы гвалах ваъара ад. Гьадид бадана гьабишихда йишир йыгара лазимды категориебыр на ва стаж.
Гьадыла саваенди, е гьазыр выъыр а программа, гвалах ваъасды ГЛОНАСС системади. Йыгад смартфон хад илсындис гьац1аси гьеми вахтинди гьиляхьуъ виъинаъади лазимды автобус ва гьанийис гьац1аси, гьилды вахтинди ливкьасди остановкады»,- гьухьури инвесторад представителере.
Магомед Булатханова выъыри сагъул Дагъыстанад Кьухьды Рамазан Абдулатиповас, Дагъыстанад Правительствадис ва Махачкалдид мэр Муса Мусаевас, вылц1ара ад пассажирский перевозкамыд кюмгюс гюре.
Рамазан Абдулатипова гьухьури, гьеми гьаъара ад гволахбыр бала уфтандыбыр йиъи. «Е, йыгъ йыгъала шегьерди гыйгъа1д транспорт лаъ гьаъара а, лешур ц1инды автобусбыр, килт1ере а ц1инды тукад линиебыр троллейбусмыд, амани республикадид бюджет ц1ам йиъи, гьадыла сиене Махачкалдид автопарк еда садана ц1ине гьаъас руъура адиш. Инвесторар йидкьыдухъун гьа суалбыр кьуле гыргас руъура а. Е мидыла хъуъ ки лягъудухъун ки кюмегбыр гьаъаси компаниемыс гьа гволахбыр кьуле гыргасды»,- гьухьури гьание.

Венера Ахмедова,
студентка-практикантка ДГУ.