Хумухдыйикьама Махачкалди бегьем викиси «Россия-моя история»-хьур музей

09cf1c8b95d34804c424e0fd12a24310

8 августас Дагъыстанад Правительствадид Седри Абдусамад Гамидов гакъыр ай, шыв ха1ле ади Махачкалди ц1инене ваъара ад «Россия-моя история»-хьур дур гъад музеехда.
Гьанийхьван сыт1ана гьади анидиъий Дагъыстанад строительстводид, архитектурадид ва ЖКХ-дид министр Ибрагим Казибеков ва Дагъыстанад Кьухьнийды полномочный представитель центральный территориальный округа Шамиль Зайналов.
Абдусамад Гамидов гакъыр музеед зданиедид комплексахда ва гъара аа-уу гид еримыхда, гьухьури, гьемибыр бегьем руъура а.
«Гьидыхдана гаджадкъыр, гвалахбыр миди гьаъара а джуду графике ана. Гьеми объекта макъыет йиъи Дагъыстанад Кьухьды Рамазан Абдулатипов. Устараше гвалах ваъара а кьву1нды сменады лап уфтанна. Сиенебишис гьабгура а, гьеми ц1амды вахтинды шудаъды гвалах выъыр ади.
b8b3c28e485dd5b622dd7cd6ec8bb384

Сиене гвалахбыр сахьусды сентябырес бегьем йикиси, гьадыла са вазырды арыди музее сихьиси контентбыр»,- гьухьури премьер-министре журналистешихьван гьалгади.
Гьеми вахтинды гьаъара а фасадад облицовка, араады отделочный гвалахбыр ва дюз-дюзгин гьаъара а гъара аа-ууды бынабыр ки кине.

Насир Ибрагимов