Дагъыстанди 16 районди беслемиш йишир хумухдид ма1хсилмыд ягъмишвалдыбыр. Сиене категориемыд хозяйствомыра ягъмиш кьыъыр ай ма1хсил кьва1д гьа1гъзырна хьибыдвешне  къанна кьва1д гектарала. Къанна хьибды центнеред урожай ад джигида гектарад валовый сборала йишир хьуд гьагъзыр на хьибыдвешне къанна хьибыд тонн. Мистед сыда хы1ва1  лешур а сыт1а гьаъас кьва1двеш гьа1гъзыр тонн ма1хсилед.
Гьеми вахтинди Дагъыстандид совхозмыра на колхозмыра чалыш диъи ягъмиш гьаъас эккед джурба-джурад ма1хсилбыр.
Джубрады ха1сабырмыхьван кьы1дис гьазыр гьыъыр а хьибыдвешне рыхьц1ыр на хьуд гьа1гъзыр тонн кормыдид, гьамыкла хьибыдвешне хьуц1урна кьва1д гьа1гъзыр тонн укьуд йиъи ва ц1ихьибыд гьа1гъзыр на рыхы1двеш тонн гьа1ла1хьвад.
Гьадыла саваенди, гьа1зыр гьыъыр  а 1,7 гьа1гъзыр тонн силосад Дербентский, Сулейман-Стальский ва Казбековский районмыд хозяйствамыра. Дагъыстанди агрономашды шесды сыдыд ха1сабырмыхьван сыт1а гьыъыри кьва1двешне  къад гьа1гъзыр тонн ма1хсилед, гектарала къанна рыхьы1д  центнер лешур а.
Сахьусды гъеблид кьадарбыр гьагва гьыъыри 2016 сыда муниципальный образованиедид  Хасавюртовский районда, гьабише сыт1а гьыъыр ай йогъц1ырна мыед гьа1гъзыр на кьва1двешне мыйц1ырна хьибыд тонн сукуд. Сахьусды ербыр хакьыр а Карабудахкентский, Кизлярский ва Каякентский районмыд хозяйствамыра.
Мистед сыда ес шууду ма1хсил йикисди гьац1ардиш.

Дженат Мусаева,
студентка ДГУ.