Сивид сывабад байрамад йыгъ

0bc0744d64050a9e2fe0d53c7896325f

25 июнес сиене мусурманаше къутли выъыр ай сивид-сывабад байрам.
Гьа йыгъа сиенебише гьыъыр ай садакьабыр, дугьа1быр, байрамад суннат кубыр.
Йоква1с сагьа1т мыйдис байрамад куб выъыр ай Мыха1д Джума мездике ки.
Кубад улихьдегине мездике сыт1а дишир ад мусурман шуба1-ришиймаше гыъыри зикр, такбир ва выри ха1р илсынды гъад фитр зака1т. Мисте зака1т йиъий ха1р илсындыла 50 манут.
Кубала хъуъ сыт1а дишир абишис гъутли гьыъыри сивид сывабыр Мыха1д имам Абдуселим Таирова, ва райондид кьухьныйды сурулла гьалгыри Арсен Кулиев — райондид кьухьнийды заместитель.
Хьели ихьды джамаха1т къутливалдыбыр гьаъара сасынийыхда халма дыхьыр ай, ва сырымы дыхьыр садакьабыр, хайир дугьа1быр гьыъыр ай.
Сиенебишис къутли йиший сивид сывабыр.
Н. Ибрагимов