17 маес Мыха1 райадминистрациеди выгыр ай МР «Рутульский район»-ди сыт1а выъыд Общественный Советед иджлас.
Гьа выгыр ай гьадид седри Ферман Ахмедбеков кьулы гъана. Гьади гене ки иштрак гьыъыр ай МР «Рутульский район»-дид кьухьнийды заместитель Арсен Кулиева, культурадид Управлениедид кьухьды Абдула Абдулаева, Образованиедид управлениедид кьухьды Рамазан Афраимова, финансовый Управлениедид кьухьды Карчигай Карчигаева, райондид культурадид ва образованиемыд кьухьдыбише ва къуллухчийше.
Сифте миди гьалгыри Ф. Ахмедбеков — гьание сиене критериебыр агъмиш гьыъыри шыв услахьван высды ийди Общественный Советере независимый кьимет культурадид ва образованиедид идарамыра ваъад гвалахмыс, гьабыр хьели ки лийир газетмы, интернет — сайтма.

Гьади генеки ми суалбыр тесдикь гьаъара ва джуды къуллухчийшда хайиш гьаъара, требовать гьаъара ми суалмыс гуджлид фагьам сивихь хьур, далгыри Арсен Кулиев, Абдула Абдулаев, Рамазан Афраимов, Карчигай Карчигаев ва районди ад учреждениемыд директорар ва къуллухчиер.
Иджлас бегьем вуруъуд гедене Ферман Ахмедбековара гьухьури — ми гвалах курировать ваъад виъи Минобрнаукадире ва Минкультурадире ДР-дид, гьа сиенемыд координатор ки виъи Минтруд РД.

Къинады САИД