30 мартас Мыха1 райондид кьухьнийды идаради вишир ай райондид депутаташды Маджлисед ахиринджи сессия.
Гьади гьыъыр ай иштрак депутаташила саваенди МР «Рутульский район»-дид Кьухьды Ибрагим Ибрагимовара, райондид прокурорад помощник Расим Ибрагимовара, райондид кьухьнийды заместитель Магомед Магаррамовара ва маддыбише.
Сессиядид гвалах кьуле выгыр ай райондид депутаташды Маджлистед Седри Рамазан Рамазановара.
Миди повесткади кид кал, агъмиш гьыъыр ай хьуланды суалбыр ва далгыр ки ай ми юлдашер:
1. МР «Рутульский райондид» Уставак дегишвалдыбыр кихъихьин.
Гьадид бадана гьалгыр ай райадминистрациедид юрист Мурад Рагимов. Гьание гьухьури, закондире ягъа1д кал, ц1инды созыва дикисди диъи 44 депутат, ва Уставад дегишвалдыбыр ки лийир йигара сайтмы ва газетмы.
2. Тесдикь гьыъын перечень машинмыд ры1къмыд, гьамма ц1инды дегишвалдыбыр ки кихъихьир МР «Рутульский район»-дид арыди.
Гьадид сура гьалгыри «ДЭП-30» идарадид директор, депутат Шафи Абдуллаев. Гьание гьухьури — миди кихъийир йыгара мисед участокбыр — «Гельмец-Курдул» — 6 км, «Рутул — Хнюх» — 12 км, «Хлют — Иче» — 12 км, ва агъмиш гьыъыри мадды мисед таликьды суалбыр.
3. Рутульский райондид прокуратурадире выд представлениемыкла райадминистрациедире эгъет1ид кьарармыс.
Гьадид сура далгыри райондид прокурорад помощник Расим Ибрагимов, депутаташды Маджлисед Седри Рамазан Рамазанов ва райондид кьухьнийды заместитель Магомед Магаррамов. Гьание хъывыри депутаташис джывабыр сиене ми суалад сурады месъэлемыс.
3. МО «Рутульский районди» гарантированный идара тесдикь ваъас хьур джама1хтис мыкьды хьед высды.
Гьадид бадана далгыри Тамирлан Султанов, райондид Кьухьды Ибрагим Ибрагимов, юрист Мурад Рагимов ва маддыбыр.
5. Районди ад мехьтебырмыс тесдикь гьыъын нормативбыр примерный типовой штатмыд.
Гьадид сура далгыри депутатар Магомедриза Кадимов, Ферман Ахмедбеков, Шафи Абдуллаев, райондид Кьухьды Ибрагим Ибрагимов.
Миди гене ки далгыр ай Джыны1хдады, Гельмец1дады, Аады К1ат1ры1хълады депутатар ры1къмыд, йоквмыд, хьедмыд са ки выбормыд натидже ад суалмыкла.
Сиене хьуъ гет1ид суалмыс эгъет1ири сессиядире лазимды кьарарбыр.
Гьадыхьван 6-ды созывад депутаташды 40-ды ахиринджи сессия бегьем вишири.
Къинады САИД
