Дагъыстанад ху1киметед университете ачых йишир а нинды ч1елмыд Центр

DSC_383315 декабрес Дагъыстанад ху1киметед университете филологический факультете ачых гьыъыр нинды ч1елмыд Центр. Гьади иштрак гьыъыр Дагъыстан Республикадид национальный политикадид министр Татьяна Гамалее, ДГУ- дид ректор Муртазали Рабаданова, филологический факультетед декан Шабан Мазанаева, Центрад директор Марина Гасановара, РД-над Миннацад къуллухчийше, университетед магьа1лимеше.
Татьяна Гамалее гьухьур, схьусды лазимды гвалах ми вахтинди – кьабыл выъын Центрад гвалахад дюзгинди программа, гьа гвалаха иштрак гьыъын университетед джигьилешыла саваенди мадды вузмадыбише ки, сиене кьылевыъынид учреждениемыд телебийше ки.
«Миди университете йикисды Центрара кьуле йыгыр йыгара лазимды суалбыр джигьилешис лаъ-хьуъ кине гьагвун бадана нинды ч1елбыр ва ягъмиш гьыъыр йыгара базабыр сиене Дагъыстанад кихьин-кагъунид, лугъатмыд балава1лид, ч1елмыд, гъийгъа-быга сугас йыгара ад»,- гьухьур министре.
Т. Гамалее хабар выъыр генеки, 2017 сыда РД-над Миннацара Центрад гвалахас эккед кюмег выс хьур а, амма гьа идарадид кьухьдыбишда хайиш гьыъыр йыхана иштрак гьаъ хьур грантмыд конкурсма, сыт1а гвалах выгырга хьур фондмыхьван, меценаташихьван, гьазыр диъид тангымыхьван кюмег выс Дагъыстанад халкьмыд ч1елбыр адгын бадана ва мааки лаъ-хьуъ йишин бадана.
DSC_3885Министред ихтилатмыд бадана университетед ректор М. Рабаданова гьухьур, базабыр гьазыр гьаъасды гвалахас кюмег йикис хьур магьа1лимешикла ки, ва студентешикла ки: «Е йишидыхъунды чалыш дикис, гьа центра гьалах гьы1лимдид дараджия выгыргас, кьабыл ваъас лазимды программа 2017 сыда.
Центрад гвалахад гьакьасабырмыкла ихтилат гьаъади, Шабан Мазанаева гьухьур, республикадид районма сигас хьур исследовательский экспедициябыр ерлид материалбыр ягъмиш гьаъас, сыт1а выгыргас хьур гвалах садикмыхьван нинды ч1ел к1аълахъуъ абгасна, викис не хынимешды г1а1ле.
Йик1иы лахъахара, 5 декабрес Дагъыстан Республикадид миллитдид гьалакьадид министерствадире не Дагъыстанад ху1киметед университетере къулмыхьван дестикь гьыъыр ай соглашение сыт1а выгыргасна гвалах ху1киметед миллитдид гьалакьадид сураа Дагъыстана.
Б. Мыха1ды