Абдусамад Гамидов: «Сахьусды едедбыр перинатальный центра кьабыл дыъыр йыгад и январес 2017 сыда»

5a11b7286473facac88af15e42da6599«Сахьусды едед илсанар Перинатальный центрара кьабыл дыъыр йыгад йиъи январес 2017 сыда»,- гьухьур 28 ноябрес РД-над Правительствадид Седри Абдусамад Гамидова, гьа объект луза гьад ера йыхьыд гедене.
Таныш йишида ва ихтилатбыр гьыъыда ООО «Унисервис» — генеральный подрядчик идарадид кьухьды Омарасхаб Алиевахьван, премьер-министрере ихтилат гьыъыр обеъкте ад агьвалатакла: «Гвалахбыр ц1амдыбыр йиъи мадад ва вахт ки мабад ц1амды виъид ка, бес е хы1ва1 лешуд дишме бегьем гьаъас хьур Перинатальный центр сыдыд ахира йыкьама. Гьамыъ бегьем гьаъара а аа-уу хад ер дюзгин выъынид гвалахбыр, объктед гъара сурад. Гьаса ц1амды отделочный гвалахбыр ки мада, вентиляциебыр ва мадад к1аъды гвалахбыр. Кьабыл гьыъыр гвалах дюзгинне ваъара ква1ч1ур а котельныере, трансформаторад подстанциедире. Гьади гвалахак кинидиъи 300 илсан.
Йик1ий лахъахара, 150 ер ад Перинатальный центр гьаъара ад йиъи ху1киметед программадыхьван 2011-2016 сыдырма республикади здравоохранениедид модернизацие гьаъара ад. Кьуле гыргара ад йиъи плында ад гвалахбыр тангымыхьван, йыхы1р ад Федеральный фонда обязательный медицинский страхованиедид, ва сыт1а рыхы1ре ад республикадид бюджетады тангымыхьван.
Дагъыстанад Правительствадид Кьухьнийхьван гьади иштрак гьыъыр ай РД-над здравоохранениедид министр Танка Ибрагимова.
Б.Мыха1ды