Россиядид культурадид Министерстводид кьухьдыбишихьван ха1сил йишир Юрий Левицкий

2d431cffdbf532966bbea8d20006d52114 ноябрес 2016 сыда РФ-дид культурадид министерствади Юрий Левицкий, «Единая Россия» партиядид суруулады Российский Федерациедид Федеральный Иджласад Ху1кийметед Думадид депутат, гьади культурадид Комитетед член ха1сил йишир Российский Федерациедид культурадид Министр Манилова Аллахьван.
Ха1сил дишид арыди Юрий Левицкие ихтилат гьыъыр эккед культурадид, гвалахакла, выгыр ад Дагъыстанди республикадид Кьухьды Рамазан Абдулатиповад хайишдыхьван, Дербент шегьердид 2000-сыдыд байрам, Россиядид халкьмыд традиционный культурадид центрбыр ачых гьыъын, А. Тахо-Годи дур гъад сыт1ад таарихед не ва культурадид Дагъыстанад ху1кийметед музей ц1ине хъывыъын.
Ха1сил дишид арыди агъмиш гьыъыр ай суалбыр республикадире иштрак гьыъынид Федеральный целевой программама: «Культура России» 2017 сыдыд, «Устойчивое развитие сельских территорий на 2014-2017 годы и на период до 2020 года» ва маддыбыр.
Манилова Аллара джуду суруула эккед сагъул выъыр Дагъыстанад Кухьды Рамазан Абдулатиповас республикадид культурадис убур йыхы1нис гюре, саки Дагъыстанад культурадид Министерстводис выгыргара ад йыхды гвалахад бадана. Россиядид культурадид Министред заместителе Ху1киметед Думадид депутатас Юрий Левицкиес ч1ел выри, Министерстводире фикир сивхьир дерде а1ч1ус хьур сиене республикадире лаъ гет1ир ад суалмыд ва гьабыр, йишидухъунды, кьуле гыргас хьур.
Гьади генеки иштрак гьыъыр ай РФ-дид Минкультурадид, туризмадид Департаментед ва региональный политикадид директор Ольга Яриловара.

Мира Казиева