14 ноябрес Дагъыстанад Кьухьды Рамазан Абдулатипов ха1сил йишир РФ-дид Северный Кавказад гвалахмыд министр Лев Кузнецовахьван, Махачкалди йыркьыд гвалахбыр гине.
Мийманас хош-бешбыр гьыъыдыла хъуъ, республикадид Кьухьние гьухьур: «Выды региона йыркьынвалды — лазимды къавгъу анивиъи рухьуд месъэле виъи, кьуле йыгыр йыгад лазимды суалбыр.
Гьадыла е мысга гюзет гьаъара вы гьасад инсан ка, ехьван сыт1а арыди-джаргыди выгыргасды лазимды гвалах. Гъийгъа е агъмиш гьаъас лап юкьды ва джетинды ес агьвалатбыр, гвалахбыр электроэнергетикадид ва танга ягъмиш ваъад электросетевой комплексед. Дагъыстана, гьац1ад кал, балад бырджбыр йишир а. Ва ес кюмег гьаъара хьурагинды бырджмыд себебед бадана ва мидыла хъуъ ки лаъ-хьуъ викисне энергетикадид комплекс юкьсура».
Джуду суруула, Лев Кузнецова йик1иы лихъийир хьурагинды йыгырма РФ-дид Президенте агъмиш гьыъыд жилищно-коммунальный сетед агьвалатбыр, тукад ва газад агьвалатбыр.
«Е гедыркьара, эгер гъилы лидживихьвна ачыхды тарифбыр гьаъад механизм, гьакьды кьимет ваъад потребителес, джетин йикис лаъ-хьуъ выгыргас регион. Гьад сахьусды суал йиъи, ва викисды иджласа е гьа агъмиш гьаъас. Отметить гьыъыр йыгара, сасад джигима дюзды динамика ки анивиъи, амма аниъи джетинвалдыбыр ки, кьуле йыгыр йигад хъуъ сидживир вахт. Ихьды бырдж — гьувгун гвалах ваъад механизм дюзгинне гвалах сыт1а рыкъа1 ивин бадана», — гьухьур Лев Кузнецова.