26 октябырес Дагъыстанад Кьухьды Рамазан Абдулатипов, гвалахбыр гине Москвади ад, ха1сил йишир ай Россиядид строительствадид не ЖКХ-дид министр Михаил Менехьван.
Дагъыстанад Кьухьние гьыъыри министрес ихтилат шунна кьуле гыргарыади Россиядид Минстроере макъыетене ихьды региона гыргара ад программабыр.
Рамазан Абдулатипова гьухьури — гъийгъад йыгьа республикади Дербентский районди гьаъара а 100 000 кв. метри ад эконом классад халбыр. Гьасад гвалахбыр гыргара а республикадид йыкьа1 ки. Каспийск шегьерди ц1инды микрорайонма гьаъасди и 180 балад квартирабыр ад экономклассад халбыр, сиене сыт1ана 1 млн. кв. метри. Генеки гьание гьухьури:«Республикади йыгъ-йыгъала лаъ руъура а ЖКХ-дид обслуживание.
Гьади гвалах ваъара а 554 организациедире, гьамыкла 359 виъи хусуси организацие. Е гьыъыр ай 32 муниципальный предприятиемыс мероприятиебыр гьамыс кьимет высды, гьамыкла 18 хайир гъадишды виъий. Гъамыд концессиедид график е гъыъыр а.
Гьамыла саваенди е бегьем выъыр а Акушади водопровод — гьадире темизды хьед вылц1ара 4,6 гьагъзыр илсындис. 2017 сыда ес гьаъас йыгара кьва1б канализациебыр темизгьаъад сооружениебыр Южный Сухокумскди ва Кумторкалинский районди».
Генеки гьади хьуъ гетир ай суалбыр четиндына, мыкьлад му1къма ад илсанар переселять даъасды тангымыд.
Насир Ибрагимов