22 октябыряла хъуъ Дагъыстанди джат1ур гьугъара а. Бынымы гъад районма вышедыхъаъ йиз гьугъара, йыгъа — гьугъал. Мыкьды йыгъырма йыгъа ки йиз гьаъара хъирц1ере а.
Эккед гьугъалбыр йишир ай Махачкалди 24 октябырес. Са йыгъад арыди лугъур ай. Ра1хъбыр, кучебыр меркезди гьа йыгъа гугълад хьидмыра лет1ир ай нац1урбыр, мирибыр йишир. Балад вахт виъи гьасад гьугъалбыр махачкалдыбишис гьаджагур ад. Сасад микрорайонма ма1хлема эккед хьедбыр ягъмыш йишир, инсанашды халмыс зиянбыр выс гьа-гьа виъий.
Гидрометиоцентрад хабардихьван, гьугъара адгасды йиъи хьва ми ха1фте лавурт1ама. Меркездис ЖКХ-мыд къуллухчийше йыгъа-выше, джат1ур, гвалахбыр гьаъара а, хьедбыр откачивать гьаъара кучима. Гьадыла сиене инсанаше хайиш гьаъара а шермыд, муниципалитетмыд службамыра ахьтиед диш хьур.
Б. Мыха1ды