Дагъыстанад Правительствадид иджлас

1644aa2b418c56dd6bf29e3cdc65f44810 октябрес Дагъыстанад Правительствади вишир ай иджлас. Гьади хьуъ гет1ир ай суалбыр, шууна кьуле гыргара ади Дагъыстанад приоритетный проект «Новая индустриализация»-хьур дур гъад.
Выгыр ай гьа иджлас Дагъыстанад Правительствадид вице-премьер Гасан Идрисова. Гьади агъмиш гьыъыр ай 2013-2015 сыдырма ху1киметед оборонный заказмыд объем бала йишир а хьур 2,2-риджеким.
Гьыъыр а 2 индустриальный парк («Тюбе», «Кристалл Сити»), ва 4 технопарк («Сулак композит», «Идея-серия», «Фотон», «Композитные материалы»). Гьамыъкал генеки гьаъасды йиъи 3 индустриальный парк.
Гьади иштрак гьаъабише гьухьури, 2015 сыда ихьды региона ад плынмыд мероприятиемыхьван лаъ йишир промышленный продукция 780 млн. манутмыдыхъунды. Хьурагине мадды ху1киметмаа йихире ад товарбыр ихьды ху1кимете игъийир, мистед сыда гьамыд кьадар вишир а 1 млрд 300 млн. манутала балана.
2016 сен лап1т1ума, приоритетный проект «Новая индустриализация» йыхана гъилы лийир, мидыла хъуъ ки лаъ йикиси ихьды агъахад товарбыр, гьамык кине оборонадид заказ ки лаъ йыкьиси 15-ды % йикьама.
Н. Ибрагимов