Мистед сыда хумухтид призыва кедир а 10 гьагъзыр джигьил

0_58845600_1443704048_img (1)10 гьагъзырдыкъунды махачкалдадибишы лийкьыр а мистед сыда повесткабыр военкомата хумухдид призывад. Гьа хабар выъыр ай РИА «Дагестанас» РД-над Военный Комиссариатад отделед кьухьды Муртуз Идрисова.
Аммани 10 гьагъзыракля эскерва1ли кьабыл даъас текды 300-310 инсан 18 — 27 сен йишибыр.
Муртуз Идрисова ихтилат гьыъыр, са ц1инды дегишвалдыбыр инсанашис ми призыва адиш, эскерва1ли кьабыл даъад критериябыр ки адка мада.
Хумухтид призыв 3 октябрес кувч1удыла, республикадид военкоматмыра уже кьабыл даъара а джигьил инсанар. Муртуз Идрисова, меселла, 3 октябрес кьабыл дыъыр ай 50 махачкалдадыбыр. Гьабишикла 22-25 инсан кьабыл дыъыр а хьурагине ад критериемыхьван — гьабыр сагъ диъи, едере – югара адиш, анивиъи гьабишихда институтад ва техникумад образование, шоферашды правабыр ва мадды лазимды гьакьасабыр.
«Проверка дыъыдбишикла, минкир виъи, сиене джытхьынис эскерва1ли. Себеб — ербыр ц1ам йиъидыла. Амма, е, йишидыхъунды, гьабыр сидигас эскерва1ли мирджед сыда. Кьабыл дыъыдбишик гьалаки эскерва1ли джигад вышга кидиш»,- гьухьур Муртуз Идрисова.
Хумухтид призыв Россиядид регионма викисды виъи 31 декабря йыхы1р.