Дагъыстанад Кьухьды ха1сил йишир ай 7 созывад РФ-дид Ху1киметед Думадид депутаташихьван

_mk_10-11_2012_01 str26 сентябрес Дагъыстанад Кьухьды Рамазан Абдулатипов Москвади Россиядид Президентед РД-над Постоянный представительствади гьа1сил йишир ай кет1ид Дагъыстана 7 созывад РФ-дид Федеральный Иджласад Ху1киметед Думадид депутаташихьван
Гьади иштрак гьыъыр Гаджимет Сафаралиева, Магомед Гаджиева, Заур Аскендерова, Мурад Гаджиева, Юрий Левицкийере, Умахан Умаханова, Абдулгамид Эмиргамзаева, Абдулмажид Маграмова ва Бувайсар Сайтиева.
Регионад кьухьние гьабишис къутливалдыбыр гьыъыр российский Иджласа кет1инис гюре, гьухьур, сиене Госдумадид депутатар джуду юлдашер ва джухьван са фикирбыр ад инсанар диъи хьур. «Ху1рметли юлдашер, бегьем йишир сечкибыр, ва гьамыъ сиене гвалахак ква1ч1ур йыгара ихьды Ватан бадана. Ехь гъарады джац1ад инсанар кидиш, ва1 сиене — Дагъыстана ху1рмет ад инсанар диъи, халкьдис дыгад, сечкимыд результатмыхда гадкьы1йне. Е дирибаш гьыъыр йыгара балад гвалахбыр, сахьусды кьул, лаъ йыгыр йыгара средний ва малый бизнес, джурана агропромышленный комплексед. За умуд ваъара, сиене депутатар гьашкьахьван ква1ч1ус гвалахак»,- гьухьур Рамазан Абдулатипова.
Джуьхьды суруула, Гаджимет Сафаралиева сагъулбыр гьыъыр РД-над Кьухьнийис выд кюмгид сураа. Иджласчиере ч1ел выр, Дагъыстанад Госдумади дикисды депутаташе кюмег выс хьур сиене республикадид суалмыс.
РФ-дид Президентед РД-над суруулад постоянный представитель Изумруд Мугутдиновара ки къутливалдыбыр гьыъыр иштракчийшис, гьухьур, Дагъыстанад депутаташды состав Ху1киметед Думади 50% ц1ине йишир а. Сахьусды ихьды сиенебишды бырдж — кьуле йыгын республикадид интересбыр сиене джигима, регионад дур лаъ йыгын, гьухьур Изумруд Мугутдиновара.
Гьадыла саваенди, гьание умуд выъыр, сиене кет1ид республикадид депутатар чалыш дикис хьур, гьабишила хьурагиндыбишека гыргас ха1рса джура мероприятиебыр, лаъ-хьуъ гьаъасды дагъыстанабишды культура ва гьы1лим. Хайиш гьыъыр ай депутаташда сыт1а гырга хьур баласды гвалахбыр Москвади хьуддисне кьыле ваъад дагъыстанабишды студентешихьван ки.