1 сентябрес мехьтебырма ачых йишир хынимешис ракбыр

SAMSUNG CAMERA PICTURES

1 сентябрес, Знаниемыд Йыгъа, сиене Россиядид мехьтебырмыд ракбыр ачых гьыъыр кьыле ваъад 14 миллион хынимешис. Гьабишикла миллион на суруула балад хынимер сахьусды класса дуруъусдыбыр диъи.
Гьы1лимдид Йыгъ агъмиш гьыъыр ай сиене Мыха1д районди ад мехтабырма ки. Гьа байрамас гюре, сиене мехьтебырма райондид администрациедид суруула сидыгыр ай уполономоченный представителер, меселла, сахьусды Мыха1д И. Гусейновад дур гъад мехьтебед линейкади иштрак гьыъыр Мыха1д райондид Кьухьды Д. А. Сулейманова, Хъылда йыхьыр ай райондид и.о. кьухды М. Д. Магаррамов, кьва1дхьусды райцентра ад А. Мирзоевад дур гъад мехьтебе — райодид кьухьнийды заместитель Р. Афраимов ва гьаса маддыма ки ай идарамыд кьухьдыбыр.
Сиене мехьтебырмыд площадкабыр гьа йыгъа йыгыр ай байрамад усла, банербыр, тарнспорантбыр, шарбыр, пайдахбыр, быч1быр кет1кьур.
Гьадис лейихне сыт1а дишир ай инсанар ки, ц1инды валыг гъана — мехтебе хъу1дид хынимер, магьа1лимер, хынимешды дидабар, нинабар, ц1инене мисде 1-ды класса дуруъуд к1аъдыбыр джухьды нинабашихьван, дидабашихьван сыт1а. Сиъинбишды ул гьабишы гъай, гьисхьурди гьа йыгъа байрам виъий сахьусды кьул гьабишды, гьадыла гьабыр шадва1лире адабада дишир ка диъий ва эккене шад диъий.
20160901_095753Шыв фаам йиширхьуйне, хынимер сен сыдыла бала хъу1дире а мехьтебырма, особенно мистед сыда Мыха1д райондид мехьтебырма йыдкьыд ц1инене 1-ды класса хынимер бала диъий, мидыла хьуъды сенмыхда гадкьыйне.
IMG_6779Гьа байрамас гюре сиене мехьтебырма гьыъыр ай къутливалдыбыр магьа1лимешды дуруу, кьыле ваъад хынимешды, гьабишды дидды, нинды дуруу, эккед къутливалдыбыр гьыъыр ай 1-ды класса йыдкьыбишис ва гьабишды хизынмыс.

SAMSUNG CAMERA PICTURES

Быт1рад ч1елмыла гъайир, юкьсура хынимеше гьагва гьыъыр ай к1аъды сценкабыр, на1нибыр, гьыъыр мук1-гапыр, йыхы1р шикилбыр.
IMG_6774Байрам вишир ай бала уфтанна сиене ихьды районди адыхъунды мехьтебырма.
Б. МЫХАIДЫ
А. ИБРАГИМОВ